حسن نصراللّٰہ کی خفیہ مقام پر عارضی تدفین

بیروت۔ 5؍ اکٹوبر۔ (ایجنسیز): حزب اللّٰہ کے شہید سربراہ حسن نصراللّٰہ کی انتہائی رازداری کے ساتھ خفیہ مقام پر عارضی تدفین کر دی گئی ہے۔ یہ بات العربیہ ٹی وی نے جمعہ کے روز حزب اللّٰہ کے قریبی ذرائع کے حوالے سے بتائی۔
ذرائع کے مطابق، حسن نصراللّٰہ کی تدفین عارضی طور پر خفیہ مقام پر اس وقت تک کی گئی ہے جب تک حالات عوامی جنازے کی اجازت نہیں دیتے۔ حزب اللّٰہ کو خدشہ تھا کہ اسرائیل تدفین کے موقع پر سوگواروں یا تدفین کی جگہ کو نشانہ بنا سکتا ہے، اس لیے عوامی اجتماع ممکن نہ تھا۔
واضح رہے کہ حسن نصراللّٰہ کو اسرائیلی فضائی حملے میں 27 ستمبر کو شہید کر دیا گیا تھا۔