حیدرآباد ۔ 8؍ نومبر ۔ ڈائرکٹر آف اگزامینیشن تلنگانہ نے دسویں جماعت کے سالانہ امتحانات کی فیس ادا کرنے کے لیے نیا شیڈول جاری کیا ہے۔ اس شیڈول کے تحت فیس جمع کرانے کی آخری تاریخ 18 نومبر 2024 مقرر کی گئی ہے۔ طلبہ کو مشورہ دیا گیا ہے کہ وہ مقررہ تاریخ تک فیس جمع کروا لیں تاکہ اضافی جرمانے سے بچ سکیں۔
تاخیر سے فیس جمع کرنے والوں کے لیے اضافی چارجز مقرر کیے گئے ہیں: 50 روپے کے جرمانے کے ساتھ 2 ڈسمبر 2024، 200 روپے جرمانے کے ساتھ 12 ڈسمبر 2024، اور 500 روپے جرمانے کے ساتھ آخری تاریخ 21 ڈسمبر 2024 مقرر کی گئی ہے۔
فیس کی تفصیلات درج ذیل ہیں:
- تمام مضامین کی فیس: 125 روپے (ریگولر طلبہ کے لیے)
- تین یا اس سے کم مضامین کی فیس: 110 روپے
- تین سے زیادہ مضامین میں ناکام طلبہ کے لیے فیس: 125 روپے
ڈائرکٹر آف اگزامینیشن نے اسکول انتظامیہ سے کہا ہے کہ وہ طلبہ کو بروقت مطلع کریں تاکہ فیس کی ادائیگی میں کوئی تاخیر نہ ہو اور طلبہ کی امتحانات کی تیاری متاثر نہ ہو۔ امتحانات میں شفافیت اور معیاری اقدامات کو یقینی بنانے کے لیے محکمہ نے اس سال خصوصی ہدایات بھی جاری کی ہیں۔
