تلنگانہ میں مسلم نوجوان پر ہجومی تشدد کا واقعہ (ویڈیو)
منچریال’ تلنگانہ ۔ 27 ؍ اکٹوبر ۔ (اردو لائیو): تلنگانہ کے آصف آباد ضلع کے کاغذ نگر منڈل میں ایک افسوسناک واقعہ پیش آیا جس میں ایک مسلم نوجوان کو ہجومی تشدد کا نشانہ بنایا گیا، جس کے نتیجے میں وہ شدید زخمی ہوگیا۔ نوجوان کی شناخت عابد حسین کے طور پر ہوئی، جو مرتھنڈی گاوں کا رہائشی ہے۔ بتایا گیا ہے کہ عابد حسین ایسگاوں میں ایک غیر مسلم لڑکی کے ساتھ دیکھا گیا تھا۔
مقامی لوگوں نے اسے پکڑ کر درخت سے باندھ دیا اور پھر سڑک پر تشدد کا نشانہ بنایا۔ اس واقعہ کی اطلاع ملنے پر پولیس موقع پر پہنچی، لیکن مشتعل ہجوم نے پولیس پر بھی حملہ کردیا اور ان کی گاڑی کو نقصان پہنچایا۔ پولیس نے کافی جدوجہد کے بعد نوجوان کو بچا کر منچریال کے اسپتال منتقل کیا، جہاں اس کا علاج جاری ہے۔
#Asifabad, Telangana: More videos of Abid Hussain being brutally assaulted by the mob, whereas Policemen can also be seen struggling to save the victim from the violent mob.
— Saba Khan (@ItsKhan_Saba) October 26, 2024
Abid was caught roaming with a non muslim girl in Easgaon Village of Kagaznagar Mandal of Asifabad,… pic.twitter.com/NCwjiaCdGI
یہ واقعہ سوشل میڈیا پر ویڈیوز کے ذریعہ تیزی سے پھیل گیا، جس کے بعد عوام میں مزید غصے کی لہر دوڑ گئی۔
