مغربی غزہ میں اسرائیلی فوج کی دراندازی۔ بیسیوں شہید‘ ہزاروں بے گھر
غزہ ‘ فلسطین ‘ 8؍ جولائی: (پی این سی) قابض اسرائیلی فوج نے پیر کی صبح سویرے غزہ شہر کے جنوب مغرب میں گھس کر رہائشیوں کو بڑی تعداد میں نقل مکانی کرنے پر مجبور کیا۔ غزہ پٹی کے بیچوں بیچ واقع محلوں پر شدید حملے کئے‘ جس کے نتیجہ میں بیسیوں افراد شہید اور ہزاروں بے گھر ہوگئے۔
غزہ شہر کے جنوب میں تل الہوا محلے کے جنوبی مضافات میں صنعتی علاقوں اور یونیورسٹیوں کے آس پاس پرفائر بیلٹ اور شدید بمباری کے درمیان صہیونی فورسیس نے دراندازی کی۔
آج صبح کے وقت قابض فوج کے طیاروں نے دو محوروں سے آگے بڑھنے سے پہلے غزہ شہر کے مختلف محلوں پر شدید بمباری کی ۔ اطلاع کے مطابق دراندازی کے محور میں شدید گولہ باری اور توپ خانے اور جنگی طیاروں کی طرف سے بہت بھاری بم گئے گئے۔ مغربی محور اور الدحدوح گول چکر‘ تل الہوا کے جنوب میں الجامعات اور السینا کے قرب و جوار میں واقع محلوں سے بڑی تعداد میں خاندانوں اور بے گھر افراد کو نقل مکانی پر مجبور کیا۔ ساتھ ہی صنعتی علاقے کے آس پاس میں اسرائیلی توپ خانے اور گیس بموں سے بمباری کی گئی۔
شدید گولہ باری کے درمیان ہزاروں خاندان اب سڑکوں پر ہیں اور کوئی نہیں جانتا کہ گولہ باری اور گولیوں کی زد میں کہاں جائیں۔
گزشتہ شام مشرقی غزہ کے علاقے درج اور التفاح کے محلوں میں نقل مکانی کے احکامات جاری کئے جانے کے بعد غزہ کے باشندے شہر کے مغرب میں داخل ہونے سے حیران تھے۔ ان علاقوں میں پناہ گاہوں کی طرف نقل مکانی کرنے والوں کی بڑی تعداد دیکھی گئی۔
