روس نے اب زیلنسکی کے شہر پر برسائے بم، تین دن سے جل رہا پورا یوکرین
ماسکو ۔ 28؍ اگسٹ ۔ (ایجنسیز): روس اور یوکرین کے درمیان جنگ دن بہ دن خطرناک ہوتی جا رہی ہے۔ بدھ کو روسی فوج نے تازہ حملے میں یوکرینی صدر وولودیمیر زیلنسکی کے آبائی شہر کریوی ریح پر بمباری کی۔
روس اور یوکرین کے درمیان جنگ دن بہ دن خطرناک ہوتی جا رہی ہے۔ یوکرین کے کاؤنٹر اٹیک سے روس بگڑ گیا ہے اور اس نے یوکرین کی شکست تک جنگ ختم نہ کرنے کی دھمکی دی ہے۔ پیر سے روسی فوج یوکرینی شہروں کو مسلسل دہلا رہی ہے۔ بدھ کو روسی فوج نے تازہ حملے میں یوکرینی صدر وولودیمیر زیلنسکی کے آبائی شہر کریوی ریح پر بمباری کی۔ مقامی حکام نے حملے کی تصدیق کرتے ہوئے کہا کہ بمباری اس وقت ہوئی جب ایک دن پہلے ہوئے روسی حملے کے بعد لوگ ہلاک ہونے والوں کو یاد کرنے کے لیے جمع ہوئے تھے۔ اس حملے میں چار لوگو مارے گئے تھے۔
یوکرین کے کریوی ریح شہر کے مقامی انتظامیہ کے سربراہ اولیکزینڈر ویلکول نے سوشل میڈیا پر کہا کہ شہر پر تازہ ترین حملہ ہمارے لوگوں کے منہ پر تمانچہ جیسا ہے۔ حملہ اس وقت ہوا جب ایک دن پہلے مارے گئے لوگوں کی یاد میں سوگ کا پروگرام جاری تھا۔ اس تازہ حملے میں آٹھ لوگ زخمی ہوئے ہیں۔ ہم قارئین کو بتا دیں کہ پیر سے روسی فوج پورے یوکرین پر بمباری کر رہی ہے۔ پیر کو بھی یوکرین کے تمام شہروں میں رات بھر بمباری ہوتی رہی۔ بلیک آؤٹ کی وجہ سے کئی چینلز کی نشریات اچانک بند ہو گئیں۔ رات بھر دارالحکومت کیف میں چار بار حملے کے سائرن بجے۔ اس سے عام لوگوں میں دہشت پھیل گئی۔
تین دن سے مسلسل دہل رہا ہے یوکرین
روس نے پیر سے یوکرین پر اپنے فضائی حملے تیز کر دیے ہیں۔ پیر کو اس نے پچھلے کچھ ہفتوں میں سب سے بڑا حملہ کیا۔ جس میں 100 سے زائد میزائلز اور اتنی ہی تعداد میں ڈرون داغے گئے۔ جبکہ منگل کو بھی پورے یوکرین میں فضائی حملے کیے گئے۔ خاص طور پر دارالحکومت کیف میں رات بھر حملے کے سائرن سنائی دیتے رہے۔ پورے یوکرین میں درجنوں میزائلوں اور ڈرونز کی بمباری ہوتی رہی ۔
روس کے مسلسل بڑھتے حملوں کے درمیان یوکرین نے دعویٰ کیا کہ اس کی فضائی دفاعی سیکیورٹی نے ڈونیٹسک علاقے میں ایک روسی SU-25 جیٹ کو تباہ کر دیا ہے۔ یوکرین نے بھی روس کے عقبی فوجی علاقوں پر لمبی دوری کے ڈرون حملے جاری رکھے ہوئے ہیں۔
