تلنگانہ میں دسہرہ کے موقع پر اسکولوں کو 13 دن کی تعطیلات کا اعلان

حیدرآباد۔ 19؍ ستمبر ۔ (اردو لائیو): جاریہ سال تلنگانہ میں دسہرہ تہوارکے موقع پر ریاستی حکومت نے اسکولوں اور کالجوں کے لیے 13 دن کی تعطیلات کا اعلان کیا ہے۔ یہ تعطیلات 2 اکتوبر سے شروع ہوں گی اور 14 اکتوبر تک جاری رہیں گی، جس کے بعد 15 اکتوبر سے تعلیمی سرگرمیوں کا دوبارہ آغاز ہوگا۔
تلنگانہ کے محکمہ تعلیم نے ایک نوٹیفیکیشن جاری کرتے ہوئے بتایا کہ اس دوران کوئی تدریسی عمل نہیں ہوگا۔ یہ وقت طلباء اور اساتذہ کے لیے خوشی منانے اور اپنے خاندان کے ساتھ وقت گزارنے کا موقع فراہم کرے گا۔ طلباء کو یہ موقع ملے گا کہ وہ دسہرہ کی تعطیلات اپنے عزیز و اقارب کے ساتھ گزاریں۔

تعطیلات کی تفصیلات:
-شروع ہونے کی تاریخ: 2 اکتوبر (گاندھی جینتی)
-دسہرہ نوراتری: 3 اکتوبر سے آغاز
-وجئے دشمی: 12 اکتوبر
-اختتام: 14 اکتوبر
-تعلیمی سرگرمیوں کا دوبارہ آغاز: 15 اکتوبر