اسرائیل میں مہنگائی کی شرح بلند ترین سطح پر

تل ابیب ۔ 18؍ اگسٹ ۔ (پی آئی سی): اسرائیلی میڈیا کے مطابق، جولائی میں اشیائے ضروریہ کی قیمتوں میں 0.6 فیصد اضافہ ہوا جس کے باعث سالانہ افراط زر (مہنگائی) کی شرح 3.2 فیصد تک پہنچ گئی ہے، جو کہ بینک آف اسرائیل کے 3 فیصد کے ہدف سے زیادہ ہے۔
گلوبز اخبار کی رپورٹ کے مطابق، جولائی کے آخر تک افراط زر کی شرح میں اضافہ ہوا، جو کہ جون کے آخر میں 2.9 فیصد تھی۔ رپورٹ میں یہ بھی بتایا گیا ہے کہ اسرائیلی شیکل جمعہ کو ڈالر اور یورو کے مقابلے میں قدرے کمزور ہوا، جس سے درآمدی مواد کی قیمتوں پر اضافی دباؤ پڑ رہا ہے۔
رپورٹ میں مزید کہا گیا ہے کہ جولائی میں قیمتوں میں اضافہ زیادہ تر تازہ پھلوں اور سبزیوں (3.2 فیصد)، ثقافت اور تفریح (1.8 فیصد)، کرایہ اور رہائش (0.8 فیصد)، اور خوراک اور نقل و حمل (0.5 فیصد) میں ہوا ہے۔